|
不知道是不是有人曾問你，「為怎樣你會成做一個基督徒？」我想真多人有真多種不同的回答，譬如講：真理對我來講真重要；我想信耶穌真正是上帝的獨生子，祂真正有從死裡復活，耶穌為我解決了死亡的問題，使我有盼望。因為耶穌讓我活在這個世間有意義，不再空虛，有了真正的目標與價值。這攏是真正好的答案。
但是，你若問我為怎樣欲做一個基督徒，我的回答是：「就算講沒有頭前那些理由，甘那因為基督信仰給我一個幸福美滿的婚姻，我就欲來相信主耶穌。」在這個世間上有那麼多不美滿，不快樂，充滿破碎、充滿怨恨、生氣、吵架的家庭。本來我一直想像我的婚姻生活可能也會是安呢，總是上帝卻賜給我享受到充滿溫暖、幸福的家庭。我就會感受到，將來不論天堂是怎樣，永生是如何，上帝已經給我享受到在地上最快樂的事。
真多社會、心理學家攏講：「從一個不完美長大的小孩長大的人，將來所組成的家庭常常會是不完全。」這其實是我心中的驚駭。我會記得小漢時有一陣仔，阮住在厝內，暗暝攏無開電火，也不敢出聲講話。因為我的爸爸賭博，欠人真多錢，有黑道的人來討債。阮無錢通還，所以不敢開門，也不敢讓人知厝內有人。討債的人在門大吼叫、累罵、咒詛、恐嚇。那是有人來按電鈴，阮攏會在黑暗中，驚到躲在桌仔腳，連喘氣攏不敢。有時討債的人離開，已經歸半點鐘，阮全家的人猶原在黑暗中，不敢震動。平安？什麼是平安？對我來講，這兩字，寫來真簡單，總是離我真遙遠。
在我青少年的時，我驚結婚，因為我感覺無法度適應姻婚生活，我無法度盡婚姻的責任，我心內也不知如何與人建立親密的關係。我是一個真孤僻、無愛與人來往的人。總是感謝上帝，祂將我帶到教會，用兄弟姊妹的愛來醫治我。我不是在一到教會，或是一信耶穌，上帝就馬上就醫治好，家庭對我的傷害。總是上帝用祂的話語，兄弟姊妹的愛來幫助我。讓我漸漸學習到怎樣去愛別人。
最近我與一個教會內的媽媽在分享，她對我講：「你的婚姻太幸福了，所以你無經驗到人生的艱苦。」我心中聽到真意外，總是也感謝上帝。原本我認為自己是無法度面對婚姻生活的人，如今卻有一個別人認為美滿的婚姻。這是什麼原因？就是「我成做一個基督徒」，上帝讓我經驗到祂的愛，及祂的祝福。對我來講，有一個美滿幸福的婚姻，是上帝給我最大的祝福，遠遠超過上帝給我金錢、地位、名聲。因為這是過去我認為我無法度得到的。
申命六章2節，要咱的家庭成做一個「謹守上帝所吩咐的誡命、律例、典章」的所在，當咱安呢做就會享福、就被上帝祝福，這個祝福就是咱的家庭建立以上帝話語做根基。上帝提醒咱，祂所講的咱要遵行，並且要教導咱的兒女，在咱的厝內，生活中間來充滿上帝的話。不管是坐下、起來，或是行在路上，無論如何，就是要談論。在咱的家庭生活中間，若有安呢來做，就領受上帝的福氣。
用上帝的話來做咱家庭的基礎是一件重要的代誌，我與怡慧，就常常作伙來讀聖經，每一日，阮作伙讀舊約一章、詩篇一篇、箴言一章、新約一章。一日讀四章，差不多只用十幾分鐘。在這中間，除了明白上帝的話以外，更加重要的是，讓阮兩人的心會通在那時意念相同、心思相同。這是一件真正重要的代誌。
讀聖經是一個家庭真正要的活動。以弗所書五章20-21論到夫妻的彼此順服事講：「萬事常常佇咱的主耶穌基督的名，來感謝父上帝，著敬畏基督來相順服。」如果夫妻佇在聖經中間來學習怎樣學習放棄自己的自私，放棄自己的固執，學習怎樣彼此在主的內面順服，為著愛耶穌，來放棄自己的自我中心，為著愛耶穌來學習彼此讓步，彼此順服。安呢家庭就有真正的幸福與美滿。
對我一個在父親形象不完全的家庭中長大的小孩，我也學習怎樣從聖經中間來做一個好的家長的形像。詩篇一○三篇講：「耶和華有憐憫、有恩典，無快快受氣，閣有豐盛的慈愛，伊無長長責備，亦無永遠囥受氣。伊無照咱的罪過款待咱，亦無照咱的罪報應咱。因為天離開地許呢高，伊的慈愛對敬畏伊的人亦是許呢大。東離開西有偌遠，伊互咱的罪過離開咱亦是許呢遠。老父怎樣憐憫伊的子兒，耶和華憐憫敬畏伊的人亦是安呢。」在聖經中間，咱會通學習到用憐憫，用慈愛來做爸爸，無隨便生氣。來學習用鼓勵與肯定，而不是用否定、批評、責罵來對待自己的子女。安呢咱的子女，就會在咱的身上學習到待人接物的態度。當咱的子女在咱的身上學習到與人相處的方法，姻才會學習到與別人到陣的方法。
【教導子女的方法】
聖經對咱講：「設使二彼有挾嫌，就著相寬容，相赦免；像主曾赦免恁，恁也著按呢。」歌三：13；21節「做老父的，恁呣通激互恁的子兒受氣，驚了姻失志。」雅各書五16「恁著相對認罪，相替祈禱，通得著醫好。義人的祈禱，伊的力量有大功效。」其實我是一個真無愛認罪的人，當我做不對的時，傳道娘就會對說講：「你錯了，要認錯！」那是以前，我相信我絕對不愛理她，我會遮掩我的錯語。總是在上帝的愛內面，我向傳道娘學習認錯，她也來赦免我。通過安阮也學習怎樣相饒恕？像上帝無條件的饒恕咱一樣。如果夫妻會通來學習彼此饒恕，夠會通彼此代禱，祈求，當咱的子女看見這種狀況的時，姻也開始學習饒赦別人、學習彼此代求。咱的厝內的人，就會在這種的學習中間，經歷到真正的相愛，與別人建立好的交陪。
一對夫婦是不是親密，不是看姻在眾人的面前看起來真正好。而是有常常彼此代禱，這是在聖靈內面的親密。先生會對太太講：「我今那日有一件代誌真正重要，請你為我代禱。」太太也會對先生講：「我需要你的祈禱」。這是一個屬靈基督徒家庭常常需要做的事。如果夫婦中間會常常彼此相代禱，這一定會是一個親密、相愛的家庭。因為這種的愛是建立在耶穌基督內面。
厝內的孩子在青少年的時期，常常會與父母意見無相同，傳道娘怡慧也是，在她青少年時，也有一段不愛聽爸爸媽媽講話的時期。但是她講有一件代誌讓她非常感動：就是有一天半暝的時當她從樓頂下樓，發現她的爸爸媽媽兩人跪在客廳，在為她祈禱。這個畫面常常在她的心中，讓她感覺她的父母是真正疼她的。
約翰三書4節：「我想見我的子兒佇真理的行，我的歡喜無卡大佇此個」當咱常常在家庭中間實現咱的信仰，所帶來的祝福，就是咱的子兒是真正行佇真理中間。姻也會將這種行佇真理的生活，傳乎子子孫孫。
佇咱的中間，咱不是誇口咱什麼人天生就會組織一個好家庭，咱只有感恩，因為有上帝佇咱的家庭中間，祂的話語成作家庭的根基，咱才會有美好的生活。
咱需要問一個問題：「上帝啊，如果我的家庭無有你的形象，我的生活是不是需要改變？」
一個庭的重建，是從個人的改變開始。就是欲讓上帝佇咱的家庭內面作工，上帝必須先佇咱的內面作工。因為我是一個傳教者，所有我常常有機會去到會友的家庭內面。我發現咱教會的會友，無論厝是大間、小間，是新是舊，大家攏真正注重厝內的清氣，厝內大多數攏打掃到真正清氣。咱每一個人的家庭，在看會到的部分，咱攏真正認真來維護。在咱的家庭內面看不到的部分，夠卡需要咱認真來維護。咱的家庭有打掃除，也需要屬靈的大掃除。什麼是屬靈的大掃除，就是照著聖經的話語用愛、寬容、赦免、憐憫、接納來起造咱的家庭。將厝內的相爭、紛爭、苦毒、怨恨這種無屬於上帝的垃圾倒出去。家庭的大掃除，就是照上帝的話來起造家庭。欲開始來家庭大掃除，先要有在家庭內面有好的屬靈空氣，好的屬靈空氣，就是常常在厝內讀聖經、禱告、吟詩甚至禮拜。當家庭常常有這種活動，相爭、苦毒、怨恨就會漸漸消失。
申命記六：20對咱講：「將來你的子問你講：『耶和華----咱的上帝所令恁諸個證據、律例，法度是什麼意思啊？』」咱的子女會問咱，是因為咱有照著上帝的要求去做。如果咱的子兒常常問咱有關信仰的問題，就這表示這個家庭是有將信仰落實在生活中間，因為咱所行所做在兒女的面前，這就是對姻最好的宗教教育。
咱教會的少年團契，每一年辦退修會的時，攏要排一個專題，這個專題就是「信仰問題解答」，這群在教會長大的小孩，對信仰的問題，比那些無在教會出入的青少年，有夠卡多的問題需要回答。因為姻佇咱的教會看見咱所做的一切，自然就會關心姻的信仰。所以一個照信仰佇行的家庭，姻的子女對信仰有真多的問題需要家長的解答。
「耶和華命令咱行諸個一切的律例，來敬畏耶和華----咱的上帝，互咱常常得著福氣，得著伊保全咱的生命。親像今仔日的款。咱若照耶和華----咱的上帝所命令的，佇伊的面前照伊一切的誡命來行，這就是咱的義。」24-25當咱照著上帝的律例去行，這就是咱的義，咱也會得到上帝的祝福，上帝的祝福有真多方面，可能是平安、有上帝的保守、生命得保全。其中一個真正大的祝福就是，咱的子女是一個敬虔的後代。我常常為會友新生的子女祈禱，除了為姻祈禱子女健康、聰明、聽話以外，我最意愛為這個家庭的祝福，就是求上帝讓姻的子女成做敬虔的後代。當咱在家庭真實照上帝的話來行，就會培養敬虔的後代。
這段聖經在一開始的時講：6-7「我今仔日所命令你諸個話著記佇你的心，也著用這勤勤教示你的子兒，無論你坐佇厝內，行佇路裡，睏抑是起來攏著講論。」「著記佇你心」這句話的意思就是「負擔」或是「擔起重擔」。咱欲夠一遍來強調：將上帝的話教導咱的子女，是咱的「負擔」，上帝要咱「負起這個重擔」所以家長，要將上帝的話傳講在咱的厝內。夫妻之間日日互相祈禱，父母要為自己的子女祈禱，並且著為未出世的子女祈禱，與姻讀聖經，幫助姻遠離罪惡。
佇家庭大掃除的中間，就是夫妻要建立與上帝真實的關係。如果咱無與耶穌基督建立個人真實的關係，接受聖靈在咱的生命做主，咱就無法度讓主耶穌佇咱的家庭做主。佇我的厝內的客廳中間，有放一幅字，「基督是我家之主」。這幅字，相信真多家庭內也有，照聖經所講的，基督若欲成做我家之主，就必須讓基督成做咱個人的主。
對今那日的狀況來講，真多人在工作上表現真正認真，但是在家庭上卻欠缺責任感。也有一部分的基督徒知道家庭真正重要，總是他的生活型態卻與一般人無什麼無同。如果一個基徒家庭與外面一般家庭最大差別，只是有禮拜日有去教會參加禮拜。安呢咱的家庭就失去了上帝的祝福。
加爾文講到悔改認為就是「因為對上帝有全然與真實的敬畏，咱的生命真正回轉歸向祂」悔改是從罪中回轉，並追求公義。咱無夠與上帝爭辯，承認自己的罪，從罪中回轉，並決心一生為祂來活。就親像咱的生命需要在上帝的面前來悔改，才會有真正的改變。同款地咱的家庭，也需要在上帝的內面來大掃除，除去上帝所無歡喜的心態，真實來回應家庭中每一個關係的需要。咱所需要的是建立與上帝真實的關係，也與咱的厝內的人建立真實的關係。上帝所看重咱如何扮演在家庭中間的角色，因為家庭是起造信仰的所在，也是影響生命的所在。
這是一個上帝的應允，當咱用上帝的話來起造家庭時，咱欲得到幸福的家庭與敬虔的後代，姻欲代代相傳上帝的話。這種的福氣是別項物件所無法度代替的。過去我想講自己無法度來經驗到一個美好的家庭生活。總是在上帝的話內，我經驗到改變。我相信上帝也會通改變咱的家庭。
想看麥，咱的家庭多久無讀聖經了？也有多久不曾祈禱了？你會通為你的家庭帶來改變，為厝內的人帶來祝福。真正的平安欲入到恁的厝內。咱中間那有人願意用上帝的話作家庭的根基。這種的改變就欲漸漸發生在咱的家庭中間。
|